”მასკიში” 2006 წლიდან ფუნქციონირებს უახლესი ციფრული ტელეაპარატურითა და კომპიუტერული სამონტაჟო ტექნიკით აღჭურვილი ტელესტუდია. ვიდეოკამერებიცა და კომპიუტერული სამონტაჟოც აწყობილია ტელეკომპანიებში დღეს არსებული სტანდარტების მიხედვით, რათა აქ გადაღებული ვიდეომასალა შეუზღუდავად გავიდეს ნებისმიერ ტელეარხზე.

მასკის სტუდია განკუთვნილია სპეციალურად სტუდენტებისათვის, რომლებიც აქ გადიან სასწავლო პრაქტიკას, ამზადებენ საკურსო, საპრეზენტაციო და დოკუმენტურ ფილმებსა და ჩანახატებს, მონაწილეობენ სტუდენტური ფილმების ფესტივალებსა და კონკურსებში. მათ ხელმძღვანელობენ გამოცდილი ტელე და კინორეჟისორები, ვიდეომემონტაჟეები, ოპერატორები. ლექციების გარდა სტუდენტები გადიან დამატებით სწავლებებსა და ტრენინგებს მოწვეულ სპეციალისტებთან.

2009 წლის გაზაფხულზე მასკის სტუდენტების მიერ მომზადებულმა სამმა ფილმმა გაიმარჯვა კონკურსში ”ჰერა XXI”. მათი ჩვენება მოეწყო კინოსახლში. გამარჯვებული ფილმების ავტორები პარქტიკის გასაგრძელებლად ზაფხულში უნგრეთში გაიგზავნენ.

მასკსი სტუდია გამოირჩევა იმითაც, რომ აქ დაცულია უნიკალური ისტორიული ვიდეო და აუდიო ჩანაწერები.